Liebi Passyvmitgliider und Genner!

Damit unser Kässeli allewyyl duet lache,
und mir Chropfhaimer kenne Fasnacht  mache,
diend iir uns allewyyl das isch woor,
greftig understitze Joor fir Joor.
Mer mechte is drum vo Häärze bedangge,
fir jede Byydraag und jede Frangge.
Wenn iir nit aafeend Rappe spalte,
hälfed iir e Riechemer Dradizioon erhalte,
denn syt 1930 das isch dr Hit,
macht d Chropf-Clique an dr Fasnacht mit.
Au eieri Aadailschyyn dien uns vyyl nütze,
wenn iir uns bim Velo-Faare diend unterstitze.
Ooni eich es miecht uns allne wee,
gääb‘s kaini Goschdyym und kaini Larve mee.
Au mit em Kauf vo dr Fasnachtsblaggedde,
wo iir eich kennet an Tschoope stegge,
hälffed iir uns liebi Lyt,
dass es e tolli Fasnacht git.
Dangg schenerooser und wäärtvoller Hilff,
steen mir praggtisch nie im Schilff.
Mer heebe d‘ Bächer uff eier Wool,
und saage häärzlig „Danggscheen vyylmool“!

D‘ Chropfhaimer

(RS‘16)