In Gedängge an d‘ Chropfheimer im Fasnachtshimmel:
Theo Spengler († 30.10.2024)
Iich bi sit 1966 Fasnächtler mit Liib und Seel, zeerscht als Tambour und sit 2002 uff em Waage vo dr Chropf-Clique.
Dissjoohr bin iich au Källerscheff was e tolli Abwäggslig isch, do nit nur die drei scheenschte Dääg im Vordergrund stöön!
E liebe Gruess Theo
Dr Theo het joohrelang als Moolermaischter unseri Farbe gmischt und sehr aggdiv bim Waagebau mitgwirgt. Ändi Oggdober het ihn si kranget iigoolt.
Mr dangge fir di super iisatz und bhalte di gärn in erinnerig.
d‘ Chropfheimer
Roger Henzen († 25.08.2024)
Syt 1995 isch dr Roger Mitgliid bi de Chropfheimer gsii und het joorelang mit is Fasnacht uff em Waage gmacht.
Als gleernte Isolationsspängler het dr Roger allewyyl d Gländer und Griff am Fasnachtswaage isoliert und yykleidet, und so e wichtige Byydraag am Waagebau gleischtet.
Danggbar bhalte mer dis Engagement in Erinnerig!
d‘ Chropfheimer
Paul Roniger († 08.01.2022)
Dr Pauli het uns über vyyli Joore dr Fasnachts-Zeedel dichtet und gschriibe. Gekonnt het är s jewylige Sujet vo dr Clique im beschte Baseldytsch in Värs- und Rhymform uf Papier brocht und so mit vyyl Witz und Charm e wäsentlige Teil zu unserem Fasnachtslääbe bydrait.
Danggbar bhalte mer dini joorelangi und grossi Aarbed in beschter Erinnerig!
d‘ Chropfheimer
Liselotte Beuret († 02.02.2018)
Unseri Goschdyym-Schnyydere isch syt 1998 fir unser Goschdyym verantwortlig. Derzue kocht si au fir uns wääred em Waagebau.
Mir geen alli gäärn zue Ihre. Si goot bym Naaie au uf individuelli Wintsch yy!
Jedes Joor brucht si e bitz mee Stoff zem gwissi Ränze z‘ degge…
Häärzlige Dangg fir dini tolli Aarbed!
d‘ Chropfheimer
Pytsch Glanzmann († 08.04.2013)
„Will ich e agfrässene Wäägeler bi, bi ich per Zuefall 1998 zu de Chropfheimer gstosse. Bim Waagebau isch mi Qualität bim Hochbau gfrogt.
Was mi sehr fasziniert, isch das mir zoobe als Clique no uff de Velo d‘ Stadt unsicher mache.
Mi zweits Hobby isch Fotele, do bin ich plötzlich als Hoffotograf gwählt worde.
Ich gstallt Fotialbums wo jede aaluege ka. Ich bi stolz, dass ich au e Bydrag leischte ka für unseri Vereinstradition.
Liebi Griessli Pytsch“